Mikilvægt að fylgjast vel með breytingum í Múlakvísl

Litlar breytingar hafa átt sér stað í Múlakvísl, en almannavarnardeild ríkislögreglustjóra varaði við hlaupi í vikunni. Náttúruvársérfræðingur á Veðurstofunni segir að þó sé enn hætta á hlaupi og mikilvægt að fylgjast vel með ef til breytinga kemur.

Mælingar í Mýrdalsjökli hafa bent til þess að hlaup gæti komið í Múlakvísl á næstu vikum. Almannavarnardeild ríkislögreglustjóra setti út tilkynningu í vikunni þar sem varað er við hlaupi. Ekki er búist við stóru hlaupi en þó stærri en sést hafa undanfarin átta ár.

Náttúruvársérfræðingur á Veðurstofu Íslands segir að litlar breytingar hafi orðið á síðustu dögum.

„Það hafa ekki verið miklar breytingar frá því að tilkynning hefur komið út í síðustu viku. Rafleiðnin hefur enn lækka en það er enn þá svolítið af vatni í ánni sjálfri,“ sagði Bryndís Ýr Gísladóttir Náttúruvársérfræðingur á Veðurstofu Íslands.

Þó segir hún að enn sé hætta á hlaupi.

Fyrri tveimur árum varð hlaup í Múlakvísl. Hlaupið olli litlum skemmdum en því fylgdi mikil loftmengun af völdum brennisteinsvetnis. Bryndís segir að hætta sé á að sama staða komi upp, verði af hlaupinu.

Forðast þurfi staði þar sem gasmengunar geti gætt. Mikilvægt sé þá að virða lokanir og stöðva ekki við brúnna yfir Múlakvísl eða Skálm.

„Það eru í rauninni bara ferðamenn á svæðinu. Vatnið gæti farið yfir þjóðveginn ef það kemur hlaup. Þá gerist það á stuttum tíma. Gas á svæðinu getur lagst í lægðinni og það er ekki gott fyrir fólk,“ Sagði Bryndís Ýr.