Síle áfram eftir vítaspyrnukeppni

Ríkjandi Suður-Ameríkumeistarar Síle komust í undanúrslit Suður-Ameríkukeppninnar í nótt eftir sigur á Kólumbíu í vítaspyrnukeppni.

Liðunum tókst ekki að skora í venjulegum leiktíma né í framlengingu svo grípa varð til vítaspyrnukeppni. Þar fóru allar spyrnurnar inn þar til komið var að síðustu umferð vítaspyrnukeppninniar.

William Tesillo hitti ekki á markrammann úr sinni spyrnu og Alexis Sanchez gat tryggt Síle sigurinn. Hann gerði það af öryggi og Síle spilar til undanúrslita.

Sílemenn eru orðnir vanir vítaspyrnukeppnum en í síðustu tveimur úrslitaleikjum í Suður-Ameríkukeppninni hafa þeir mætt Argentínu í vítakeppni og haft betur í bæði skiptin. Spyrnur þeirra í nótt voru því allar mjög öruggar og átti David Ospina litla möguleika á að verja þær í marki Kólumbíu.