Tony Parker leggur skóna á hilluna

Franski leikstjórnandinn Tony Parker hefur lagt skóna á hilluna.

It’s with a lot of emotion that I retire from basketball, it was an incredible journey! Even in my wildest dreams, I never thought I would live all those unbelievable moments with the NBA and the French National Team.

Thank you for everything! https://t.co/YKqTlnkG90

— Tony Parker (@tonyparker) June 10, 2019

Parker lék í 18 ár í NBA-deildinni, þar af 17 ár með San Antonio Spurs. Hann lék með Charlotte Hornets í vetur sem reyndist hans síðasta tímabil á ferlinum.

Parker varð fjórum sinnum meistari með San Antonio (2003, 2005, 2007, 2014). Hann var valinn besti leikmaður úrslitanna 2007.

Parker, sem varð 37 ára í síðasta mánuði, er næstleikjahæstur í sögu San Antonio með 1198 leiki. Aðeins Tim Duncan hefur leikið fleiri leiki fyrir félagið (1392). Parker er stoðsendingahæsti leikmaður í sögu San Antonio með 6829 stoðsendingar.

Á meðan verkfallinu í NBA-deildinni 2011 stóð lék Parker með ASVEL í frönsku úrvalsdeildinni. Hann á meirihluta í félaginu og er forseti þess.

Parker varð Evrópumeistari með franska landsliðinu 2013, var valinn besti leikmaður Evrópumótsins og var stigakóngur þess.