Jóhannes Haukur og Rósa selja hæð við Laugarásveg á níutíu milljónir

Leikarinn Jóhannes Haukur Jóhannesson og eiginkona hans, Rósa Björk Sveinsdóttir, hafa sett hæðina við Laugarásveg á sölu en ásett verð er 89,9 milljónir.

Um er að ræða fallega og vel skipulagða hæð sem er um tvö hundruð fermetrar að stærð og þar af rúmlega þrjátíu fermetra bílskúr.

Húsið var byggt árið 1964 og eru alls fimm svefnherbergi í eigninni og tvö baðherbergi. DV greinir fyrst frá.

Fasteignamat eignarinnar er rúmlega sjötíu milljónir en hér að neðan má sjá myndir af eign þeirra hjóna.