Spalletti fékk sparkið

Inter er búið að reka knattspyrnustjórann Luciano Spalletti. Félagið greindi frá þessu í morgun.

FC Internazionale Milano can confirm that Luciano Spalletti is no longer Head Coach of the First Team.

The Club wishes to thank Spalletti for his work and the results achieved together.#FCIM

— Inter (@Inter_en) May 30, 2019

Þessar fréttir koma lítið á óvart en eftir lokaumferð ítölsku úrvalsdeildarinnar sagðist Spalletti ekki búast við því að vera áfram hjá Inter.

Næsta víst er að Antonio Conte verði ráðinn næsti stjóri Inter. Hann hefur verið án starfs síðan hann var látinn fara frá Chelsea síðasta sumar.

Spalletti tók við Inter 2017. Liðið endaði í 4. sæti ítölsku deildarinnar bæði tímabilin undir hans stjórn og komst í Meistaradeild Evrópu.

Inter hefur ekki orðið ítalskur meistari síðan 2010.