Ronaldo lamdi bikarnum í soninn | Myndband

Það var bikargleði hjá Juventus um helgina er liðið tók á móti ítalska meistaratitlinum og allt fór vel fram fyrir utan að Cristiano Ronaldo náði aðeins að meiða son sinn.

Ronaldo er nú vanari því en flestir að handfjatla bikar en lúkurnar voru eitthvað sveittar og bikarinn rann til í höndunum á honum.

Vildi ekki betur til en svo að bikarinn fór beint í andlitið á syni hans. Óþægilegt en guttinn beit á jaxlinn og hristi þetta af sér.

Fjölskyldumyndataka fór svo fram með bikarinn og allir fóru kátir heim.