Hatari og lag þeirra Hatrið mun sigra hafnaði í þriðja sæti á fyrra undanúrslitakvöldi Eurovision á þriðjudag.
Þetta var opinberað að loknu úrslitakvöldinu þar sem hollenska lagið, Arcade með Duncan Lawrence, bar sigur úr býtum. Hatari hafnaði í tíunda sæti á úrslitakvöldinu, hlaut 234 stig, sem flest komu í símakosningunni.
Ástralska lagið, Zero Gravity með Kate Miller-Heidke, hlaut flest stig á þriðjudaginn, samtals 261 sitg. Tékkneska lagið, Friend of a Friend með Lake Malawi hafnaði í öðru sæti með 242 stig. Hatari var svo í þriðja með 221 stig og það eistneska í fjórða með 198 stig.
Hollenska lagið vann síðara undanúrslitakvöldið á fimmtudaginn með nokkrum yfirburðum - hlaut 280 stig. Norður-Makedónía var í öðru sæti (239 stig), Svíþjóð í þriðja með 238 stig og svissneska lagið í fjórða með 232 stig.
Hatari þriðji á fyrra undanúrslitakvöldinu
Tengdar fréttir
Öryggisverðir þjörmuðu að Hatara vegna fánanna: "Ég er mjög hrædd núna, mig langar að fara upp á hótel“
Uppákoma við stigagjöf íslenska Eurovision-atriðisins þar sem Hatari hélt uppi fána Palestínu fór ekki vel í alla.
