Hótanir gegn Eurovision

Sam­tök her­skárra íslam­ista úr röðum Palestínu­mann hefur í til­kynningu hótað Euro­vision-söngva­keppninni að sögn Jeru­salem Post. Að­stand­endur keppninnar segja að hún haldi á­fram sam­kvæmt á­ætlun.

„Öryggi er alltaf sett á oddinn hjá EBU,“ segir í til­kynningu frá sam­tökum evrópskra sjón­varps­stöðva vegna málsins. Sam­starfinu við ísraelska ríki­s­út­varpið og ísraelska herinn verði haldið á­fram og öryggi allra kepp­enda, gesta og starfs­manna í Expo Tel Aviv-höllinni tryggt.

Þá kemur fram að fyrsti stóri Euro­vision-við­burðurinn í landinu hafi verið sleginn af í fyrradag. Þar átti að koma fram Dana Internat­ional, keppandi Ísraels og sigur­vegari árið 1998. Ekkert varð af sam­komunni vegna fyrir­skipana hersins sem hefur bannað allar fjölda­sam­komur.

Hljómsveitin  Hatari hélt í gær sína fyrstu æfingu á keppnissviðinu í Tel Aviv og gekk hún mjög vel að sögn liðsmanna íslensku sendinefndarinnar. Meðlimir Hatara sátu einnig fyrir svörum á blaðamannafundi. Vakti sérstaka athygli að þeir sögðust vonast til þess að hernámi Ísraels í Palestínu lyki. Tók þá stjórnandi blaðamannafundarins fyrir frekari fyrirspurnir frá blaðamönnum í sal.