Lee Proud kominn í gimpgallann í Tel Aviv

„Já, þetta er Lee Proud. Hann stjórnar æfingum inni í stúdíóinu. En utan stúdíósins erum við, ég Sólbjört, Ástrós og Andrea danshöfundar Hatara,“ segir Sólbjört Sigurðardóttir í innslagi sem RÚV birtir á YouTube.

Þar er þeim Sólbjörtu og Ástrósu fylgt stuttlega eftir á göngu í Tel Aviv þar sem Eurovision fer fram í ár. Athygli vekur að Lee Proud danshöfundur er kominn í BDSM leðurklæðnað.

Lee Proud er breskur danshöfundur sem var ráðinn listrænn stjórnandi og danshöfundur Söngvakeppninnar hér á landi. Hann er danshöfundur í þekktum söngleikjum um allan heim og hefur undanfarin ár stýrt nokkrum af stærstu söngleikjunum hér á landi s.s. Mary Poppins, Billy Elliot og Mamma mía.

Innslag Bjargar Magnúsdóttur og Gísla Berg má sjá hér að neðan þar sem Lee Proud er undirgefinn, nuddar stelpurnar og segir ekkert eins og góðu gimpi sæmir.