Jafnt í stórleiknum

Inter og Roma gerðu jafntefli í stórleik dagsins í ítölsku úrvalsdeildinni.

Gestirnir í Roma byrjuðu leikinn betur og kom Stephan El Shaarawy þeim yfir eftir rétt um kortersleik. Þeir héldu þeirri forystu út hálfleikinn og staðan 1-0 þegar liðin gengu til búningsherbergja.

Ivan Perisic jafnaði hins vegar leikinn fyrir heimamenn á 61. mínútu.

Hvorugu liði tókst að næla sér í sigurmark og 1-1 jafntefli niðurstaðan.

Inter er í 3. sæti deildarinnar með 61 stig. Roma er í fimmta sætinu með 55 stig, stigi á eftir AC Milan í fjórða sætinu.