Funheitur Albert tryggði Alkmaar þrjú stig

Albert Guðmundsson skoraði sigurmark AZ Alkmaar er liðið vann 2-1 sigur á Heracles í hollensku úrvalsdeildinni í knattspyrnu í kvöld.

AZ komst yfir strax á áttundu mínútu en þá skoraði Calvin Stengs. Gestirnir frá Heracles jöfnuðu fjórum mínútum fyrir hlé og staðan 1-1 í hálfleik.

Sigurmarkið kom svo á 66. mínútu en það skoraði Albert. Hann fékk svo að líta gula spjaldið tíu mínútum síðar en lokatölur 2-1 sigur Alkmaar.

66. GOAL!

Gudmundsson schiet in twee instanties de 2-1 binnen!#azher#AZpic.twitter.com/YhFby169Ji

— AZ (@AZAlkmaar) April 23, 2019

Albert hefur verið funheitur að undanförnu en hann hefur skorað fjögur mörk í síðustu þremur leikjum liðsins eftir að hafa verið í kuldanum þar á undan. KR-ingurinn lék allan tímann í kvöld.

AZ er nú í fjórða sæti deildarinnar með 55 stig og er fjórum stigum á eftir Feyenoord sem er í þriðja sætinu með 59 stig. Heracles er í fimmta sætinu með 48 stig.