Viðskipti innlent

Segjast hafa safnað 100 milljónum í nýjan flugklúbb

Kjartan Kjartansson skrifar
Ástþór Magnússon stendur baki hugmyndar um nýtt íslenskt flugfélag eða flugklúbb.
Ástþór Magnússon stendur baki hugmyndar um nýtt íslenskt flugfélag eða flugklúbb.
Aðstandendur undirskriftarsöfnunar vegna nýs flugklúbbs eða flugfélags fullyrða að þeir hafi safnað áheitum um hundrað milljónir króna á einum sólahring. Ástþór Magnússon, fyrrverandi forsetaframbjóðandi, er á meðal aðstandenda söfnunarinnar.

Í stuttri tilkynningu sem aðstandendur vefsíðunnar Fly Icelandic sendu frá sér í morgun er fullyrt að 277 manns hafi skráð sig fyrir forgangskaupum á „flugmílum á heildsöluverði“ fyrir hundrað milljónir króna fyrsta sólahring söfnunarinnar.

Þeir sem kaupa flugmílurnar eru sagðir eiga geta notað þær til eigin flugferða eða til að gefa út flugmiða til eigin nota eða til endursölu.

Tilkynnt var um söfnunina í vikunni en henni er sagt ætlað að útvega þeim sem leggja henni til fé ódýrt flug. Ætlunin sé að fylla upp í tómarúm á flugmarkaði sem varð til við gjaldþrot Wow air.

Fréttir af flugi

Tengdar fréttir

Safnar undirskriftum fyrir nýtt val í fluginu

Fólki gefst nú kostur á að skrá sig á flyicelandic.is þar sem lofað er fríðindum og ódýrum flugmiðum. Talsmaður FlyIcelandic segir að skapa eigi viðskiptagrunn sem stofna megi flugfélag á eða efna til samstarfs við önnur flugfélög.

Ástþór Magnússon kannar möguleika á flugrekstri

Hugmynd að stofnun nýs íslensks flugfélags hefur verið kynnt á vefsíðunni flyicelandic.is en að hugmyndinni standa miklir reynsluboltar, þ.á.m. Ástþór Magnússon, fyrrum forsetaframbjóðandi og athafnamaður.



Mest lesið


Fleiri fréttir

Sjá meira


×

Mest lesið