Gríska fríkið tryggði Bucks sigur í austrinu

Milwaukee Bucks vann magnaðan sigur á Philadelphia í nótt og tryggði sér um leið sigur í Austurdeild NBA-deildarinnar í nótt.

Veturinn hefur verið frábær hjá liðinu sem er leitt af hinum magnaða Giannis Antentokounmpo. Margir spá því að hann verði valinn besti leikmaður deildarinnar enda gjörsamlega óstöðvandi í vetur.

Bucks þurfti að koma til baka í leiknum við 76ers og Giannis sá til þess. Hann skoraði 45 stig í leiknum og tók 13 fráköst.

WHAT A GAME! @Giannis_An34 (45 PTS, 13 REB, 6 AST, 5 BLK) & @JoelEmbiid (34 PTS, 13 REB, 13 AST) duel as the @Bucks outlast @sixers in Philadelphia! #FearTheDeerpic.twitter.com/UdojtMvXKj

— NBA (@NBA) April 5, 2019

Hann var líka með 6 stoðsendingar, 5 varin skot og tapaði boltanum aldrei í leiknum. Það hefur enginn náð slíkum leik síðan Michael Jordan gerði það árið 1989. Með hann við stýrið vann Bucks lokakaflann 15-4.

Joel Embiid var bestur í liði 76ers með 34 stig, 13 fráköst og 13 stoðsendingar.

Úrslit:

Philadelphia-Milwaukee  122-128

Sacramento-Cleveland  117-104

LA Lakers-Golden State  90-108