Harden hlóð í 50 stiga leik

James Harden gerði sér lítið fyrir og skoraði 50 stig í NBA körfuboltanum í nótt þegar lið hans, Houston Rockets, bar sigurorð af Sacramento Kings með 119 stigum gegn 108. Að auki gaf hann 10 stoðsendingar og tók 11 fráköst. Rockets að berjast um efstu sæti Vesturdeildarinnar og er búið að tryggja sig inn í úrslitakeppnina.

Það er hins vegar hörð barátta um síðustu sætin í úrslitakeppnina í Austurdeildinni og Brooklyn Nets vann mikilvægan sigur í þeirri baráttu þegar þeir unnu Boston Celtics í nótt en Celtics er þegar búið að tryggja sér sæti í úrslitakeppninni. 

D´Angelo Russell var stigahæstur í liði Nets með 29 stig auk þess að gefa 10 stoðsendingar en Gordon Hayward minnti á sig í liði Celtics með 19 stig af bekknum. 

Úrslit næturinnar

New York Knicks 92-100 Miami Heat

Los Angeles Clippers 132-108 Cleveland Cavaliers

Brooklyn Nets 110-96 Boston Celtics

Houston Rockets 119-108 Sacramento Kings

Detroit Pistons 99-90 Portland Trail Blazers

Indiana Pacers 116-121 Orlando Magic

Chicago Bulls 101-124 Toronto Raptors

Minnesota Timberwolves 109-118 Philadelphia 76ers 

Phoenix Suns 115-120 Memphis Grizzlies