Körfubolti

Keyptu miða á „einvígi“ LeBron og Giannis en fengu að sjá hvorugan

Óskar Ófeigur Jónsson skrifar
LeBron James hefur verið í borgaralegum klæðum í mörgum leikjum Los Angeles Lakers í vetur.
LeBron James hefur verið í borgaralegum klæðum í mörgum leikjum Los Angeles Lakers í vetur. Getty/Carlos Osorio
Golden State Warriors bætti fyrir kvöldið áður og komu sér aftur í toppsæti Vesturdeildarinnar í NBA með sigri í Minnesota í nótt. Brooklyn Nets var þó lið næturinnar eftir að hafa unnið upp 28 stiga forskot í Sacramento. Los Angeles Lakers tapaði enn einum leiknum nú risastjörnulausum leik í Milwaukee.





Eina tækifæri fólksins í Milwaukee á þessu tímabili til að sjá einvígi á milli risastjarnanna LeBron James og Giannis Antetokounmpo varð að engu í nótt þegar Milwaukee Bucks vann 115-101 sigur á Los Angeles Lakers.

LeBron James hvíldi nárann sinn í leiknum og Giannis Antetokounmpo gat ekki spilað vegna ökklameiðsla. Þeir voru einmitt þeir leikmenn sem fengu flest atkvæði í kosningunni í stjörnuleikinn og voru fyrirliðar stjörnuliðanna.

Það voru því örugglega margir svekktir áhorfendur sem hefðu keypt miða til að sjá „einvígi“ LeBron og Giannis en fengu að sjá hvorugan. Næsta tækifæri er ekki fyrr en á næsta tímabili því Lakers er ekki á leiðinni í úrslitakeppnina eins og Milwaukee Bucks.

Khris Middleton skoraði 30 stig og tók 10 fráköst fyrir Milwaukee Bucks, Brook Lopez setti niður 28 stig og Nikola Mirotic bætti við 23 stigum. Bucks liðið hefur unnið 53 af 71 leik sínum í vetur og er með besta árangurinn í allri NBA-deildarinnar.

Kentavious Caldwell-Pope var atkvæðamestur hjá Lakers með 35 stig og Kyle Kuzma bætti við 17 stigum en þetta var fjórða tap liðsins í röð og það níunda í síðustu tíu leikjum.





Stephen Curry skoraði 22 af 36 stigum sínum í þriðja leikhlutanum og Klay Thompson bætti við 28 stigum þegar Golden State Warriors vann 117-107 sigur á Minnesota Timberwolves og komst aftur í toppsæti Vesturdeildarinnar.

Svíinn Jonas Jerebko átti flottan leik og skoraði 18 stig eða einu meira en Kevin Durant.  Draymond Green var með 10 fráköst og 9 stoðsendingar en skoraði þó bara 5 stig.

Curry hitti úr 8 af 14 þriggja stiga skotum sínum í leiknum og er hann því kominn með 300 þrista á tímabilinu í þriðja sinn á fjórum árum. Karl-Anthony Towns var með 26 stig og 21 frákast fyrir Timberwolves liðið.







Bakvörðurinn D'Angelo Russell átti magnaðan leik þegar Brooklyn Nets vann 123-121 sigur á Sacramento Kings á útivelli. Russell var með 44 stig og 12 stoðsendingar í leiknum en enginn skoraði fleiri stig eða gaf fleiri stoðsendingar í leikjum NBA-deildarinnar í nótt.

Russell skoraði 27 af 44 stigum sínum í fjórða leikhluta og var lykilmaður í að Brooklyn Nets vann upp 28 stiga forskot Kings í seinni hálfleiknum. Það var hins vegar Rondae Hollis-Jefferson sem skoraði sigurkörfuna þegar minna en sekúnda var eftir af leiknum.









James Harden var með 31 stig og 10 stoðsendingar, Clint Capela bauð upp á 26 stig og 11 fráköst og Chris Paul var með 13 stig og 11 stoðsendingar þegar Houston Rockets vann 121-105 sigur á Atlanta Hawks. Þetta var þriðji sigur Houston liðsins í röð.





Ben Simmons skoraði 28 stig og JJ Redick var með 27 stig, 10 fráköst og 8 stoðsendingar þegar Philadelphia 76ers fagnaði sínum fimmta sigri í röð nú 118-114 útisigri á Charlotte Hornets. Jimmy Butler var með 23 stig og 9 stoðsendingar og Tobias Harris skoraði 22 stig og tók 12 fráköst.





Úrslitin í NBA-deildinni í nótt:

Los Angeles Clippers - Indiana Pacers    115-109   

Sacramento Kings - Brooklyn Nets    121-123   

Milwaukee Bucks - Los Angeles Lakers    115-101   

Minnesota Timberwolves - Golden State Warriors    107-117   

Atlanta Hawks - Houston Rockets    105-121   

Charlotte Hornets - Philadelphia 76ers    114-118   

NBA

Mest lesið


Fleiri fréttir

Sjá meira


×

Mest lesið