Sara Rún með Keflavík í kvöld

Sara Rún Hinriksdóttir er í leikmannahópi Keflavíkur sem mætir Val í stórleik í Domino's deild kvenna í körfubolta í kvöld.

Sara hefur gert góða hluti í háskólaboltanum í vetur þar sem hún spilaði með Canisius Golden Griffins.

Þar var sara með 12 stig og 8 fráköst að meðaltali í leik.

Jón Guðmundsson, þjáfari Keflavíkur, staðfesti fyrir leikinn að Sara myndi spila hann og gera má ráð fyrir að Sara spili stórt hlutverk fyrir Keflavík. Leikurinn í kvöld mun að öllum líkindum ráða úrslitum um hvort liðið verður deildarmeistari.

„Það voru búnar að vera sögusagnir á lofti um endurkomu Söru en það er bara frábært að fá hana inn. Við svosem vitum lítið um hennar hlutverk hér í kvöld,“ sagði Darri Freyr Atlason, þjálfari Vals, um endurkomu Söru.

Leikurinn hefst nú klukkan 19:15 og er í beinni útsendingu á Stöð 2 Sport.