Körfubolti

Einn besti leikur Mitchell í endurkomusigri á Bucks

Ástrós Ýr Eggertsdóttir skrifar
Donovan Mitchell
Donovan Mitchell vísir/getty
Utah Jazz gerði sér lítið fyrir og lagði besta lið NBA deildarinnar Milwaukee Bucks að velli í nótt með ótrúlegri endurkomu í fjórða leikhluta.

Það munaði sautján stigum á liðunum þegar tæpar tíu mínútur voru eftir í síðasta fjórðungnum. Þá tóku hins vegar heimamenn í Utah öll völd á vellinum og fóru á 17-2 kafla og minnkuðu muninn í 92-90.

Donovan Mitchell jafnaði leikinn þegar fjórar mínútur voru eftir og var leikurinn í járnum það sem eftir var. Donovan Mitchell kom stöðunni í 115-111 af vítalínunni þegar örfáar sekúndur voru eftir af leiknum. Gestirnir náðu ekki að svara og sigurinn heimamanna.

Mitchell skoraði 46 stig sem er hans besta á ferlinum. 17 af þeim stigum komu á síðustu átta mínútum leiksins.





Það gengur lítið upp hjá Los Angeles Lakers þessa dagana og þeir hittu botninn í nótt þegar þeir töpuðu fyrir versta liði deildarinnar Phoenix Suns.

Þetta var aðeins þrettándi sigur Suns í 64 leikjum í vetur.

LeBron James reyndi hvað hann gat að draga sína menn áfram en það gekk ekki í þetta skiptið þrátt fyrir 27 stig, 16 stoðsendingar og 9 fráköst.

Lakers er nú fjórum og hálfum sigri frá sæti í úrslitakeppni Vesturdeildarinnar þegar nítján leikir eru eftir í deildarkeppninni.





Stephen Curry leiddi meistarana í Golden State Warriors til sigurs gegn Philadelphia 76ers.

Curry var í villuvandræðum en spilaði í gegnum þau og setti 28 stig í naumum 120-117 sigri Golden State.

Hann var fjarverandi mest allan þriðja leikhluta en á lokasprettinum í fjórða leikhluta var það Curry sem fór fyrir gestunum og kláraði leikinn.

Kevin Durant var stigahæstur í liði Golden State með 34 stig og DeMarcus Cousins bætti 25 við.





Úrslit næturinnar:

Cleveland Cavaliers - Detroit Pistons 93-129

Indiana Pacers - Orlando Magic 112-117

Miami Heat - Brooklyn Nets 117-88

Philadelphia 76ers - Golden State Warriors 117-120

Dallas Mavericks - Memphis Grizzlies 81-111

San Antonio Spurs - Oklahoma City Thunder 116-102

Denver Nuggets - New Orleans Pelicans 112-120

Phoenix Suns - Los Angeles Lakers 118-109

Utah Jazz - Milwaukee Bucks 115-111

NBA

Mest lesið


Fleiri fréttir

Sjá meira


×

Mest lesið