Fékk áfall þegar sonurinn hringdi og sagði frá fallinu á Table-fjalli Kolbeinn Tumi Daðason skrifar 21. febrúar 2019 16:19 Þórdís Ásgeirsdóttir hafði ekkert heyrt af ævintýrum Íslendings á Table-fjalli þegar sonur hennar sló á þráðinn í gærkvöldi. Þórdís Ásgeirsdóttir, móðir 32 ára Íslendings sem sagður hefur verið „heppnasti maður í heimi“, segir það hafa verið mikið sjokk þegar sonur hennar hringdi í hana og sagði frá atburðum í Höfðaborg á mánudagskvöld. Björgunaraðilar telja með ólíkindum að sonur Þórdísar hafi komist lífs af þegar hann hrapaði tuttugu metra fram af Table-fjalli sem gnæfir yfir suður-afrísku borginni. Þórdís tjáði RÚV í dag að hún hefði ekki haft nokkra hugmynd um slysið. Sonur hennar hefði hringt á miðvikudagskvöld, vitandi að slysið hefði ratað í fréttir hér heima, og sagt henni ofan af atburðarásinni. „Ég hafði enga hugmynd um þetta, sem betur fer ekki. Ég er mjög léleg að lesa fréttir og þannig. Ég fékk samt alveg nægt sjokk þegar hann hringdi,“ segir Þórdís í samtali við Vísi. Sonur hennar, sem hefur verið búsettur í Kína undanfarin ár við enskukennslu, var staddur í Suður-Afríku til að vera viðstaddur brúðkaup vina sinna. Hann ákvað að fara í fjallgöngu í hóp félaga sinna en varð viðskila við hópinn. Hann hafi reynt að hafa uppi á félögunum en farið ranga leið. Mynd frá björgunaraðgerðum aðfaranótt þriðjudags í Suður-Afríku.Wilderness Search and rescue Greip í tré „Hann fór vitlausan stíg, ranga leið,“ segir Þórdís og í framhaldinu féll hann fram af brúninni. „Hann sagði mér að í fallinu hefði hann séð tré eða trjágrein sem hann grípur í. Það hefur dregið úr fallinu, mögulega breytt stefnunni eða eitthvað. Hann lendir svo á syllunni.“ Syllan sem sonur Þórdísar féll niður á var ekki stærri en tvíbreitt rúm samkvæmt lýsingum Roy van Schoor sem kom að björgunaraðgerðum umrætt kvöld og nótt. Fyrir neðan þessa syllu var áttatíu metra þverhnípi. Sonur Þórdísar öskraði á hjálp. „Það er einhver bóndi fyrir utan borgina sem að heyrir í honum. Í rauninni var allt hagstætt, honum í vil. Hann var með símann sinn, missir hann ekki, og hann hringir sagði hann mér í björgunarsveit.“ Hér má sjá hvernig björgunarmenn sigu til Íslendingsins.Wilderness search and rescue Andlegur og líkamlegur styrkur til staðar Allt í allt hafi hann verið á syllunni í tólf klukkustundir að sögn Þórdísar. Það hafi komið sér vel að sonur Þórdísar sé bæði líkamlega og andlega sterkur. Hann beri engan skaða af atburðum mánudagsins. „Það þarf heljarinnar styrk til að standast þessa raun.“ Ekki er það svo að Þórdís fái son sinn í fangið sem nú snýr aftur til Kína. „Því miður! Ég hefði alveg viljað knúsa hann. Maður verður að taka því eins og hverju öðru hundsbiti.“ Hún segist afar þakklát öllum þeim sem komu að björgun sonar hennar. Table-fjall er hér í bakgrunni.Vísir/Getty Ferðamenn stóra vandamálið Útkall til björgunarsveitarmanna barst klukkan 17 að staðartíma seinnipart mánudags eftir að einhver hafði heyrt kallað á hjálp af fjallinu. Raunar töldu björgunaraðilar fyrst að kallið hefði borist frá allt öðrum stað nærri fjallinu og líklegt að um rán eða þjófnað væri að ræða sem þekkist í fjallinu sem er vinsæll ferðamannastaður.Sökum hvassviðris reyndist erfitt að staðsetja hvaðan hrópin bárust en íslenski maðurinn er sagður heppinn að suðaustan áttin náði að bera hróp hans til þéttbýlis við rætur fjallsins. Tókst honum að nota ljós á farsíma sínum til að ná til leitarhópsins.Ekki var hægt að notast við þyrlu vegna hvassviðris. Náðu klifurmenn til mannsins og var hann látinn síga niður. Gat hann svo gengið sjálfur í sjúkrabíl og fluttur þaðan til borgarinnar. Björgunaraðgerðir tóku allt í allt um þrettán klukkustundir.Roy van Schoor, sem stýrði aðgerðum á vettvangi, sagði í útvarpsviðtali í Suður-Afríku að sonur Þórdísar væri heppnasti maður í heimi. Þá segir hann ekki nógu mikið varað við hættum sem séu á Table-fjalli.„Þar þarf að kynna þetta vel fyrir fólki. Stóra vandamálið eru ferðamennirnir,“ segir van Schoor. „Þeir koma til Höfðaborgar og eru kannski vanir fjallgöngum, til dæmis á Íslandi. Svo sjá þeir þetta fallega fjall við rætur borgarinnar og hugsa, drífum okkur.“Fjallið sé mjög aðgengilegt víða en hættulegt sé að fara á eigin vegum. Segir van Schoor stundum lenda í baráttu við fólkið. Fleiri aðvörunarskilti vanti við fjallið. Suður-Afríka Tengdar fréttir Björguðu stálheppnum íslenskum manni af Table-fjalli í Suður-Afríku Íslendingurinn hafði fallið um 20 metra á syllu sem var ekki stærri en tvíbreitt rúm en fyrir neðan hana var 80 metra þverhnýpi. 20. febrúar 2019 08:41 Talinn hafa látist eftir allmikið fall Íslendingurinn sem fannst látinn í hlíðum Table-fjalls við Höfðaborg í Suður-Afríku er talinn hafa látist eftir að hafa fallið úr allmikilli hæð. 20. febrúar 2017 20:18 Mest lesið Dullarfull brotlending nærri Area 51 Erlent Engan óraði fyrir framhaldinu Erlent „Það er sárt að þurfa að horfa á eftir þeim“ Innlent Spyr hvort aflífa þurfi sig vegna mjaðmaskipta Innlent Trump og „maðurinn með ljáinn“ hóta að greiða ekki laun Erlent Tóku farsíma af unglingum í Hafnarfirði og millifærðu af reikningum Innlent Lögregla lýsir eftir Aylin Innlent Stofna hreyfingu til undirbúnings íslenskum her Innlent Ekki hlutverk stjórnarandstöðunnar að halda uppi stemmingu Innlent Á leið til Suður-Afríku með syni sína í meðferð vegna úrræðaleysis Innlent Fleiri fréttir „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu „Munum fagna þegar riðu hefur verið útrýmt á Íslandi“ „Ekki svo að allir bændur séu að kvarta“ Tvö ár liðin frá árásum Hamas og alvarlegt rútuslys á Snæfellsnesi Vilja heimili á markað en ekki uppboð við nauðungarsölu Þriðjungur telur sumarfrí grunnskólabarna of langt Óánægja með stjórnarandstöðu í hæstu hæðum Mótmæla við ríkisstjórnarfund og kalla eftir aðgerðum Á leið til Suður-Afríku með syni sína í meðferð vegna úrræðaleysis Umferð stýrt eftir að ekið var á grindverk á Austurvegi Skorið á hjólbarða og spreyjað á bifreiðar Búningsklefar minna á fatagám: „Þetta mun aldrei breytast, því miður“ Sjá meira
Þórdís Ásgeirsdóttir, móðir 32 ára Íslendings sem sagður hefur verið „heppnasti maður í heimi“, segir það hafa verið mikið sjokk þegar sonur hennar hringdi í hana og sagði frá atburðum í Höfðaborg á mánudagskvöld. Björgunaraðilar telja með ólíkindum að sonur Þórdísar hafi komist lífs af þegar hann hrapaði tuttugu metra fram af Table-fjalli sem gnæfir yfir suður-afrísku borginni. Þórdís tjáði RÚV í dag að hún hefði ekki haft nokkra hugmynd um slysið. Sonur hennar hefði hringt á miðvikudagskvöld, vitandi að slysið hefði ratað í fréttir hér heima, og sagt henni ofan af atburðarásinni. „Ég hafði enga hugmynd um þetta, sem betur fer ekki. Ég er mjög léleg að lesa fréttir og þannig. Ég fékk samt alveg nægt sjokk þegar hann hringdi,“ segir Þórdís í samtali við Vísi. Sonur hennar, sem hefur verið búsettur í Kína undanfarin ár við enskukennslu, var staddur í Suður-Afríku til að vera viðstaddur brúðkaup vina sinna. Hann ákvað að fara í fjallgöngu í hóp félaga sinna en varð viðskila við hópinn. Hann hafi reynt að hafa uppi á félögunum en farið ranga leið. Mynd frá björgunaraðgerðum aðfaranótt þriðjudags í Suður-Afríku.Wilderness Search and rescue Greip í tré „Hann fór vitlausan stíg, ranga leið,“ segir Þórdís og í framhaldinu féll hann fram af brúninni. „Hann sagði mér að í fallinu hefði hann séð tré eða trjágrein sem hann grípur í. Það hefur dregið úr fallinu, mögulega breytt stefnunni eða eitthvað. Hann lendir svo á syllunni.“ Syllan sem sonur Þórdísar féll niður á var ekki stærri en tvíbreitt rúm samkvæmt lýsingum Roy van Schoor sem kom að björgunaraðgerðum umrætt kvöld og nótt. Fyrir neðan þessa syllu var áttatíu metra þverhnípi. Sonur Þórdísar öskraði á hjálp. „Það er einhver bóndi fyrir utan borgina sem að heyrir í honum. Í rauninni var allt hagstætt, honum í vil. Hann var með símann sinn, missir hann ekki, og hann hringir sagði hann mér í björgunarsveit.“ Hér má sjá hvernig björgunarmenn sigu til Íslendingsins.Wilderness search and rescue Andlegur og líkamlegur styrkur til staðar Allt í allt hafi hann verið á syllunni í tólf klukkustundir að sögn Þórdísar. Það hafi komið sér vel að sonur Þórdísar sé bæði líkamlega og andlega sterkur. Hann beri engan skaða af atburðum mánudagsins. „Það þarf heljarinnar styrk til að standast þessa raun.“ Ekki er það svo að Þórdís fái son sinn í fangið sem nú snýr aftur til Kína. „Því miður! Ég hefði alveg viljað knúsa hann. Maður verður að taka því eins og hverju öðru hundsbiti.“ Hún segist afar þakklát öllum þeim sem komu að björgun sonar hennar. Table-fjall er hér í bakgrunni.Vísir/Getty Ferðamenn stóra vandamálið Útkall til björgunarsveitarmanna barst klukkan 17 að staðartíma seinnipart mánudags eftir að einhver hafði heyrt kallað á hjálp af fjallinu. Raunar töldu björgunaraðilar fyrst að kallið hefði borist frá allt öðrum stað nærri fjallinu og líklegt að um rán eða þjófnað væri að ræða sem þekkist í fjallinu sem er vinsæll ferðamannastaður.Sökum hvassviðris reyndist erfitt að staðsetja hvaðan hrópin bárust en íslenski maðurinn er sagður heppinn að suðaustan áttin náði að bera hróp hans til þéttbýlis við rætur fjallsins. Tókst honum að nota ljós á farsíma sínum til að ná til leitarhópsins.Ekki var hægt að notast við þyrlu vegna hvassviðris. Náðu klifurmenn til mannsins og var hann látinn síga niður. Gat hann svo gengið sjálfur í sjúkrabíl og fluttur þaðan til borgarinnar. Björgunaraðgerðir tóku allt í allt um þrettán klukkustundir.Roy van Schoor, sem stýrði aðgerðum á vettvangi, sagði í útvarpsviðtali í Suður-Afríku að sonur Þórdísar væri heppnasti maður í heimi. Þá segir hann ekki nógu mikið varað við hættum sem séu á Table-fjalli.„Þar þarf að kynna þetta vel fyrir fólki. Stóra vandamálið eru ferðamennirnir,“ segir van Schoor. „Þeir koma til Höfðaborgar og eru kannski vanir fjallgöngum, til dæmis á Íslandi. Svo sjá þeir þetta fallega fjall við rætur borgarinnar og hugsa, drífum okkur.“Fjallið sé mjög aðgengilegt víða en hættulegt sé að fara á eigin vegum. Segir van Schoor stundum lenda í baráttu við fólkið. Fleiri aðvörunarskilti vanti við fjallið.
Suður-Afríka Tengdar fréttir Björguðu stálheppnum íslenskum manni af Table-fjalli í Suður-Afríku Íslendingurinn hafði fallið um 20 metra á syllu sem var ekki stærri en tvíbreitt rúm en fyrir neðan hana var 80 metra þverhnýpi. 20. febrúar 2019 08:41 Talinn hafa látist eftir allmikið fall Íslendingurinn sem fannst látinn í hlíðum Table-fjalls við Höfðaborg í Suður-Afríku er talinn hafa látist eftir að hafa fallið úr allmikilli hæð. 20. febrúar 2017 20:18 Mest lesið Dullarfull brotlending nærri Area 51 Erlent Engan óraði fyrir framhaldinu Erlent „Það er sárt að þurfa að horfa á eftir þeim“ Innlent Spyr hvort aflífa þurfi sig vegna mjaðmaskipta Innlent Trump og „maðurinn með ljáinn“ hóta að greiða ekki laun Erlent Tóku farsíma af unglingum í Hafnarfirði og millifærðu af reikningum Innlent Lögregla lýsir eftir Aylin Innlent Stofna hreyfingu til undirbúnings íslenskum her Innlent Ekki hlutverk stjórnarandstöðunnar að halda uppi stemmingu Innlent Á leið til Suður-Afríku með syni sína í meðferð vegna úrræðaleysis Innlent Fleiri fréttir „Það er sárt að þurfa að horfa á eftir þeim“ Ekki hlutverk stjórnarandstöðunnar að halda uppi stemmingu Segir réttast að ráðherra dragi drögin í heild sinni til baka Spyr hvort aflífa þurfi sig vegna mjaðmaskipta Þungt símtal bónda í Skagafirði Lögregla lýsir eftir Aylin Dæmi um að aðstandendur beri fíkniefni í börn á Stuðlum Tóku farsíma af unglingum í Hafnarfirði og millifærðu af reikningum Stofna hreyfingu til undirbúnings íslenskum her Fólk hvatt til að setjast og spjalla á spjallbekknum Diljá hlustaði á Bítið með tárin í augunum Kyngreint nautasæði kemur vel út Samþykkt að kortleggja eignarhald sjávarútvegsfyrirtækja „Þýðir ekki bara að moka yfir hlutina“ Segir stöðuna á sjúkrahúsinu á Akureyri grafalvarlega „Það þarf að gera meira og hraðar“ Ekki áfellisdómur yfir kerfinu að farið sé með börn í meðferð í Suður-Afríku Snjór í Esjunni en ekki víst að hann festist Farþegi á bak og burt þegar björgunaraðilar mættu „Munum fagna þegar riðu hefur verið útrýmt á Íslandi“ „Ekki svo að allir bændur séu að kvarta“ Tvö ár liðin frá árásum Hamas og alvarlegt rútuslys á Snæfellsnesi Vilja heimili á markað en ekki uppboð við nauðungarsölu Þriðjungur telur sumarfrí grunnskólabarna of langt Óánægja með stjórnarandstöðu í hæstu hæðum Mótmæla við ríkisstjórnarfund og kalla eftir aðgerðum Á leið til Suður-Afríku með syni sína í meðferð vegna úrræðaleysis Umferð stýrt eftir að ekið var á grindverk á Austurvegi Skorið á hjólbarða og spreyjað á bifreiðar Búningsklefar minna á fatagám: „Þetta mun aldrei breytast, því miður“ Sjá meira
Björguðu stálheppnum íslenskum manni af Table-fjalli í Suður-Afríku Íslendingurinn hafði fallið um 20 metra á syllu sem var ekki stærri en tvíbreitt rúm en fyrir neðan hana var 80 metra þverhnýpi. 20. febrúar 2019 08:41
Talinn hafa látist eftir allmikið fall Íslendingurinn sem fannst látinn í hlíðum Table-fjalls við Höfðaborg í Suður-Afríku er talinn hafa látist eftir að hafa fallið úr allmikilli hæð. 20. febrúar 2017 20:18