Kristina Bærendsen með fallega ábreiðu af laginu You Say með Lauren Daigle

Kristina Bærendsen tók fallega ábreiðu af laginu You Say með Lauren Daigle á dögunum en lagið nýtur mikilla vinsælda um heim allan um þessar mundir.

Lagið flutti hún undir píanóleik Sveins Rúnars eins og sjá má á meðfylgjandi myndbandi hér að neðan.

„Já, þetta lag skiptir mig miklu máli. Ég hef átt mjög erfitt ár og tengi mikið við þetta lag. Ég vildi syngja það fyrir mig og fyrir alla sem tengja við tilfinninguna sem er í því,“ segir Kristina.

Þær Íris Lind og Rakel Páls syngja bakraddir við lagið. Kristina Bærendsen syngur lagið Mama Said á úrslitakvöldi í Söngvakeppninni á laugardagskvöldið.

Hér að neðan má hlusta á upprunalegu útgáfuna.