Björguðu vélarvana bát út af Stokksnesi

Félagar úr Björgunarfélagi Hornafjarðar fengu fyrr í dag útkall um vélarvana bát sem rak á hafi úti, níu sjómílur út af Stokksnesi. Sveit fimm félagsmanna hélt því á haf út á björgunarskipinu Ingibjörgu.

Báturinn hafði verið við veiðar þegar hann missti samband við stýrið og rak hann því stjórnlaust frá landi.

Ferðin að bátnum gekk vel þrátt fyrir einhvern velting á hafi. Eftir að hafa borist útkallið klukkan 12:44 var björgunarskipið Ingibjörg komið á staðinn klukkan 14:10.

Vélarvana báturinn var því næst dreginn í átt að landi eins og sést á myndbandi sem birt var á Facebook síðu Björgunarfélagsins.