Piparsveinninn umdeildi gengur í það heilaga í dag

Arie Luyendyk Jr. og kærasta hans Lauren Burnham ganga í það heilaga á Hawaii í dag. Luyendyk vakti heimsathygli þegar hann sleit trúlofun sinni við Beccu Kufrin og tók saman við Burnham sem hann hafði hafnað í úrslitaþættinum.

Endalokin komu mörgum verulega á óvart og var Luyendyk mjög óvinsæll hjá mörgum aðdáendum þáttanna í kjölfarið. Kufrin varð þó stjarna næstu þáttaraðar þar sem hún fékk að velja úr hópi karlmanna sem kepptust við að vinna hjarta hennar.

Á meðal gesta er þáttastjórnandi Bachelor-þáttanna, Chris Harrison, og er hann mættur til Hawaii til þess að fagna með brúðhjónunum.

Það er margt annað spennandi á döfinni hjá þessum verðandi hjónum því Burnham á von á þeirra fyrsta barni en parið tilkynnti um óléttuna í nóvember síðastliðnum.

View this post on Instagram

A post shared by Arie Luyendyk (@ariejr) on Jan 11, 2019 at 9:42am PST