Sport

Michael Jackson gólfæfing Katelyn sló einnig í gegn á netinu

Óskar Ófeigur Jónsson skrifar
Katelyn Ohashi hrífur flesta með sér þegar hún tekur gólfæfinguna sína.
Katelyn Ohashi hrífur flesta með sér þegar hún tekur gólfæfinguna sína.
Bandaríska fimleikakonan Katelyn Ohashi vakti mikla athygli fyrir gólfæfingar sínar sem Vísir sýndi lesendum sínum í gær. Ekki bara á Íslandi heldur út um allan heim.

Æfingin hennar er líka einstök blanda af frábærum fimleikum, einstakri útgeislun og skemmtilegum danstöktum. Það er ekki hægt annað en að hrífast með og jafnvel dilla sér í takt.





Netverjar hafa keppst við að deila myndbandinu hér að neðan og lofa frammistöðu hennar sem færði henni fullkomna einkunn eða tíu.



Þetta er þó ekki í fyrsta sinn sem netheimurinn missir sig yfir gólfæfingu hjá Katelyn Ohashi. Æfing hennar frá því í fyrra hefur fengið yfir fjórar milljónir spilana á YouTube.

Katelyn Ohashi er ekki bara frábær fimleikakona því hún er flottur dansari og mikil sviðskona. Hún notar tónlistina á mjög skemmtilegan hátt í æfingum sínum.

Í þessari ársgömlu æfingu sem hún fékk þó „bara“ 9.950 í einkunn er hún í sannkölluðu Michael Jackson stuði.

Katelyn Ohashi setti nokkur af frægustu sporum poppkóngsins inn í æfingu sína eins og sporin í Thriller og geimgönguna ógleymanlegu.

Þessa Michael Jackson gólfæfingu Katelyn má sjá hér að neðan.

Fimleikar

Tengdar fréttir

Mest lesið


Fleiri fréttir

Sjá meira


×

Mest lesið