Fótbolti

Atletico og Girona skildu jöfn

Ástrós Ýr Eggertsdóttir skrifar
Griezmann skoraði mark Atletico
Griezmann skoraði mark Atletico vísir/getty
Atletico Madrid og Girona skildu jöfn í fyrri leik liðanna í átta liða úrslitum spænsku bikarkeppninnar í kvöld.

Antoine Griezmann kom gestunum frá höfuðborginni yfir strax á níundu mínútu leiksins en Anthony Lozano jafnaði áður en fyrri hálfleikurinn var úti.

Ekkert mark kom í seinni hálfleik þrátt fyrir að bæði lið ættu þó nokkrar tilraunir í átt að marki og því standa þau jöfn fyrir seinni leikinn.

Girona er í 9. sæti spænsku úrvalsdeildarinnar en Atletico er í öðru sæti.

Spænski boltinn

Mest lesið


Fleiri fréttir

Sjá meira


×

Mest lesið