22 látnir eftir lestarslys í Taívan

Að minnsta kosti 22 eru látnir og 170 slasaðir eftir að farþegalest fór út af sporinu í norðaustur Taívan í dag. Alls voru 366 farþegar í lestinni sem ferðaðist milli Taipei og Taitung í austurhluta landsins þegar allir átta vagnar lestarinnar fóru út af sporinu. Talið er að einn bandarískur ríkisborgari hafi dáið í slysinu.

Lestin var um 70 kílómetrum frá Tapei þegar slysið varð. Yfirvöld rannsaka nú slysið en fréttamiðlar í landinu segja að tugir manna gætu enn setið fastir um borð í lestarvögnunum. Þá hafa þeir farþegar sem sitja fastir um borð reynt að brjóta sér leið út um rúður að sögn vitna.

At least 22 people have died and 171 others were injured after an express train derailed in Taiwan.

This aerial footage shows the scale of the disaster https://t.co/hdtOa2JIffpic.twitter.com/O9cJhWRYII

— ITV News (@itvnews) 21 October 2018

Rekstraraðilar tjáðu sig um málið á blaðamannafundi í dag og sögðu lestina hafa verið í góðu ástandi fyrir slysið. Hún hafði verið í notkun í sex ár.

Viðbragðsaðilar vinna nú að því að aðstoða hina slösuðu og samkvæmt upplýsingum frá varnarmálaráðuneyti landsins hafa 120 hermenn verið sendir á vettvang. Tildrög slyssins eru ókunn en vitni segjast hafa heyrt háan hvell og séð neista og reyk stíga upp frá lestinni.