Snorri reiður yfir því að fá ekki að hitta börnin

Hann fékk fyrsta sopann hjá foreldrunum sem barn, var laminn af föður sínum, byrjaði að drekka og dópa og eignaðist fjögur börn sem hann hefur ekki tekið þátt í að ala upp.

Snorri Snorrason hefur barið fleiri en hann getur munað, var hættulegur og hótaði barnaverndarstarfsfólki oftar en einu sinni.

Í dag hefur hann tekið sig á, er ósáttur við að fá ekki að hitta þau börn sín sem enn eru í fóstri og á sér þann draum heitastan að fá að sitja við kvöldverðarborð með öllum börnunum sínum.

Í næsta þætti af Fósturbörnum segir Snorri sögu sína. Þar fær Sindri Sindrason að skyggnast inn í hans heim, kynnast börnunum hans og lífi sem hefur verið stormasamt svo ekki sé meira sagt. Fósturbörn verður á dagskrá Stöðvar 2 næsta sunnudag klukkan 20:30.