Nokkrir nemendur við HR fagna ákaft brottrekstri Kristins

Félag kvenna við tölvunarfræðideild HR hefur sent frá sér yfirlýsingu þar sem lýst er yfir mikilli ánægju með það að Kristinn Sigurjónsson, kennari við tækni- og verkfræðideild HR, hafi verið rekinn frá skólanum. Auk þeirra skrifa nokkrir nemendur aðrir undir yfirlýsinguna.

Hatursorðræða gegn konum ekki liðin

Mál Kristins Sigurjónssonar hafa vakið mikla athygli en hann var rekinn frá Háskóla Reykjavíkur í kjölfar ummæla hans sem af skólastjórnendum eru túlkuð sem hatursorðræða í garð kvenna. Lögmaður Kristins, Jón Steinar Gunnlaugsson, hefur ritað rektor HR bréf þar sem hann gefur honum kost á að draga uppsögnina til baka eða mæta sér fyrir dómsstólum öðrum kosti. Ljóst virðist af viðbrögðum Ara Kristins Jónssonar, rektors HR, að hann muni standa við uppsögnina og því stefnir í dómsmál.

Í HR er að finna félag sem kallast sys/tra, félag kvenna við tölvunarfræðideild HR. Varaformaður þess, Sjöfn Óskarsdóttir, hefur sent yfirlýsingu sem hún, félagar í sys/tra og nokkrir aðrir nemendur, lýsa yfir mikilli ánægju með stefnu þá sem Ari Kristinn rektor hefur tekið.

„Við viljum að sjónarmið nemenda komi fram og sem dæmi myndum ekki treysta okkur til að mæta í tíma og fá leiðsögn frá kennara sem hefði opinberlega birt hatursorðræðu gegn konum á hvaða vettvangi sem er. Slík orðræða er ekki „almenn skoðun“ og fengi sem dæmi aldrei stuðning hér á landi ef svona væri talað um minnihlutahóp, t.d. vegna litarhafts. Það flokkast ekki undir málfrelsi að viðhafa hatursorðræðu gagnvart konum eða öðrum hópum,“ segir meðal annars í yfirlýsingunni sem sjá má í heild sinni hér neðar.

 

Yfirlýsingin

Við undirrituð, nemendur við Háskólann í Reykjavík, viljum koma eftirfarandi á framfæri.

Nemendur í HR gera þá kröfu til kennara að þeir beri virðingu fyrir nemendum af báðum kynjum og að hægt sé að treysta því að allir hafi sömu stöðu þegar kemur að kennslu, einkunnum, aðstoð við nám og annað. Hatursorðræða gagnvart konum og öðrum á ekki að líðast í háskólastarfi.

Við viljum að sjónarmið nemenda komi fram og sem dæmi myndum ekki treysta okkur til að mæta í tíma og fá leiðsögn frá kennara sem hefði opinberlega birt hatursorðræðu gegn konum á hvaða vettvangi sem er. Slík orðræða er ekki „almenn skoðun“ og fengi sem dæmi aldrei stuðning hér á landi ef svona væri talað um minnihlutahóp, t.d. vegna litarhafts. Það flokkast ekki undir málfrelsi að viðhafa hatursorðræðu gagnvart konum eða öðrum hópum.

Við erum mjög ánægð með viðbrögð HR í nýlegu máli lektors háskólans sem fjallað hefur verið um í fjölmiðlum undanfarið og styðjum þau eindregið. Við þökkum HR kærlega fyrir að bregðast skjótt við og fyrir að setja hagsmuni okkar nemenda í forgang."

Sjöfn Óskarsdóttir, nemi við HR og varaformaður /sys/tra, félag kvenna við tölvunarfræðideild HR S.

Elín Vilbergsdóttir, nemi við HR og fjölmiðlafulltrúi /sys/tra

Laufey Inga Stefánsdóttir, nemi við HR og viðburðastjóri /sys/tra

Theodóra Líf Káradóttir, nemi við HR og ritari /sys/tra

Arna Rut Arnarsdóttir, nemi við HR og nýnemi /sys/tra

Petra Kristín Frantz, nemi við HR og gjaldkeri /sys/tra

Hugrún Hannesdóttir, nemi við HR og formaður /sys/tra

Edit Ómarsdóttir, nemi við HR

Arna Björg Jónasardóttir, nemi við HR

Grétar Örn Hjartarson, nemi við HR

Birkir Kárason, nemi við HR

Sigurður Sturla Bjarnarsson, nemi við HR

Katrín Elfa Arnarsdóttir, nemi við HR

Oddný Karen Arnardóttir, nemi við HR

Logi Steinn Ásgeirsson, nemi við HR

Róbert Elís Villalobos, nemi við HR

Lilja Ýr Guðmundsdóttir, nemi við HR

Erla Kristín Arnalds, nemi við HR