Real tapaði gegn Alaves og er án sigurs í síðustu fimm leikjum

Real Madrid heldur áfram að tapa stigum í spænsku úrvalsdeildinni en liðið gerði tapaði fyrir Alaves í kvöld, 1-0.

Real hafði mikla yfirburði í leiknum en skyndisóknir heimamanna í Deportivo Alaves voru þó hættulegar.

Ekkert mark var skorað fyrr en í uppbótartíma er Manu Garcia skoraði sigurmarkið.

Vandræði Real halda áfram. Liðið hefur ekki unnið síðan það vann Espanyol 22. september; þrjú töp og tvö jafntefli.

Real er með fjórtán stig eftir sjö leiki; fjórir sigrar, tvö jafntefli og eitt tap. Barcelona er á toppnum með fjórtán stig.

Alaves er í sjötta sæti deildarinnar með ellefu stig.