Fótbolti

Atalanta stal stiginu gegn AC Milan með marki í uppbótartíma

Bjarni Þórarinn Hallfreðsson skrifar
Higuain var á skotskónum í dag
Higuain var á skotskónum í dag Vísir/Getty
AC Milan fékk Atalanta í heimsókn í Seríu A á Ítalíu í dag og úr varð fjörugur leikur.



Gonzalo Higuain kom heimamönnum úr Mílanó-borg yfir strax á 2. mínútu leiksins eftir stoðsendingu Suso. Ekkert meira var skorað í fyrri hálfleik en mörkin urðu fleiri í þeim síðari.



Alejandro Gomez jafnaði leikinn fyrir Atalanta á 54. mínútu en skömmu síðar kom Giacomo Bonaventura AC Milan aftur yfir, aftur eftir stoðsendingu Suso.



Allt virtist stefna í sigur AC Milan. Svo varð hins vegar raunin ekki. Emiliano Rigoni jafnaði leikinn í uppbótartíma og tryggði gestunum í Atalanta eitt stig.



Liðin eru jöfn með fimm stig eftir fimm umferðir.

Ítalski boltinn

Mest lesið


Fleiri fréttir

Sjá meira


×

Mest lesið