Tiger spilar með Patrick Reed á morgun

Ryder-bikarinn í golfi hefst á morgun með fjórbolta. Búið er að gefa út hverjir spila saman og hverjir mætast.

Það var eðlilega mikið spáð í því hver myndi spila með Tiger Woods en það verður Patrick Reed eins og margir bjuggust við. Þeir muni spila við Francesco Molinari og Tommy Fleetwood.

HERE WE GO! #RyderCuppic.twitter.com/pXW9hfbKY1

— Golf Channel (@GolfChannel) September 27, 2018

Kempur á borð við Phil Mickelson og Sergio Garcia spila ekki í fyrramálið en munu örugglega hvetja félaga sína duglega áfram.

Mótið verður sýnt á Golfstöðinni og hefst útsending klukkan 06.00 í fyrramálið.