Insigne hetja Napoli í naumum sigri

Napoli fékk Fiorentina í heimsókn í ítölsku úrvalsdeildinni í dag en liðin voru jöfn að stigum fyrir leikinn með sex stig og voru gestirnir enn taplausir þegar kom að leiknum í dag.

Ansi mikið jafnræði var með liðunum stærstan hluta leiksins þó Napoli hafi stjórnað leiknum.

Skömmu fyrir leikslok reyndist ítalski landsliðsmaðurinn Lorenzo Insigne munurinn á liðunum en hann gerði eina mark leiksins á 79.mínútu eftir undirbúning Arek Milik.

Fyrsta tap Fiorentina staðreynd en Napoli hefur níu stig eftir fjóra leiki.