Stjarnan Mjólkurbikarmeistari | Sjáðu vítaspyrnukeppnina

Stjarnan vann Breiðablik í úrslitaleik Mjólkurbikarsins á Laugardalsvelli í kvöld. Leikurinn var fínasta skemmtun og úrslit réðust ekki fyrr en í vítaspyrnukeppni.

Haraldur Björnsson reyndist hetja Stjörnunnar í vítakeppninni. Hann varði eina spyrnu frá Blikum auk þess sem ein spyrna þeirra grænklæddu fór yfir markið.

Þetta er fyrsti bikartitill Stjörnunnar í karlaflokki og ljóst að það verður fagnað í Garðabænum í kvöld.

Í spilaranum hér fyrir neðan er hægt að sjá vítaspyrnukeppnina í heild sinni.