Justin Rose í forystu eftir fyrsta hring

Englendingurinn Justin Rose er með eins höggs forystu eftir fyrsta hring á Dell Technologies mótinu í golfi. Mótið er hluti af úrslitakeppni PGA mótaraðarinnar.

Rose fór fyrsta hringinn á sex höggum undir pari. Hann spilaði óaðfinnanlega og fékk ekki einn einasta skolla á hringnum, sex fugla og 12 pör.

Fast á hæla Rose koma Skotinn Russel Knox og Abraham Ancer frá Mexíkó á fimm höggum undir pari.

 

.@JustinRose99 played some stellar golf on Friday.

Watch all the highlights from his first round @DellTechChamp.  pic.twitter.com/17KmXzGoGw

— PGA TOUR (@PGATOUR) September 1, 2018

Tiger Woods náði sér ekki nógu vel á strik í gær og er á einu höggi yfir pari. Norður-Írinn Rory McIlroy er á parinu.

Sigurvegari síðasta móts, Bryson DeChambeau, sem var fyrir mótið í fyrsta sæti á FedEx stigalistanum, er á einu höggi undir pari.

Annar hringurinn er leikinn í dag og hefst útsendingin á Golfstöðinni kklukkan 19:00.