Ólafía Þórunn í góðum málum eftir fyrri níu

Ólafía Þórunn Kristinsdóttir, atvinnukylfingur og íþróttamaður ársins 2017, spilaði vel á fyrri níu holunum á Indy Women mótaröðinni.

Mótið er hluti af LPGA-mótaröðinni en á síðasta ári keppti Ólafía á þessu sama móti. Þá hafnaði hún í fjórða sæti og virðist hún kunna vel við sig á þessu móti.

Eftir fyrri níu holurnar er Ólafía á einu höggi undir pari. Hún byrjaði á þremur pörum áður en það fylgdu tveir fuglar í kjölfarið.

Á sjöttu og sjöundu fékk hún svo pör en á áttundu holu kom skalli áður en níunda holan var par. Hún er því, eins og áður segir, á höggi undir pari eftir fyrri níu.

Vísir greinir að sjálfsögðu frá því hvernig Ólafíu mun vegna á síðari níu í kvöld.