Íslandsmeistararnir á toppinn

Þór/KA er komið á toppinn í Pepsi-deild kvenna eftir 5-2 sigur á HK/Víking í Víkinni í dag.

Sandra Stephany Mayor kom Þór/KA yfir strax eftir fjórar mínútur en tveimur mínútum síðar jafnaði Hildur Antonsdóttir fyrir Þór/KA.

Andrea Mist Pálsdóttir kom Þór/KA aftur fyrir hlé og staðan var 2-1 í hálfleik. Í upphafi síðari hálfleiks kom Hulda Ósk Jónsdóttir gestunum í 3-1 og staðan góð.

Hildur var ekki hætt því hún skoraði annað mark sitt og annað mark HK/Víkings eftir klukkutíma leik. Staðan 3-2.

Áður en yfir lauk bættu þó Sandra María Jessen og Sandra Stephany við mörkum og lokatölur 5-2 sigur Íslandsmeistarana.

Þór/KA er því á toppnum með 29 stig en hefur leikið einum leik meira en Breiðablik. HK/Víkingur er í fimmta sætinu með þrettán stig.