Frost í Dölunum í nótt

Bóndinn Unnsteinn Hermannsson á Leiðólfsstöðum í Dalabyggð var að slá tún í Laxárdalnum í nótt þegar hann tók eftir því að frost var úti. Uppgötvun sinni deildi hann með fylgjendum sínum á Snapchat en frostið er markvert fyrir þær sakir að hitinn fór í um það bil fimmtán gráður í Dölum dag, samkvæmt umfjöllun Búðardalur.is.



Unnsteinn mun hafa verið að slá við bæinn Svarfhól í Laxárdal um klukkan tvö í nótt þegar hann tók eftir því að tún sem hann var búinn að slá voru orðin héluð.

Hér að neðan má sjá myndband af ævintýrum Unnsteins í nótt.

Hægt er að finna Unnstein á Snapchat undir nafninu steinileidolf.