KSÍ óskar Svíum góðs gengis með mynd frá 1951

Svíþjóð mætir Sviss í 16-liða úrslitunum á HM í Rússlandi í dag en sigurliðið mætir annað hvort Englandi eða Kólumbíu í næstu umferð.

Svíarnir hafa komið mörgum á óvart á mótinu og unnu F-riðilinn sem innihélt meðal annars Þýskaland og Mexikó. Svíarnir unnu Mexíkó í lokaleik riðilsins.

Sviss lenti í öðru sæti í E-riðli, tveimur stigum á eftir Brasilíu, en Sviss náði stigi gegn Serbíu og Brasilíu og unnu svo Kosta Ríka.

Liðin mætast í Sankti Pétursborg í dag og KSÍ ákvað að kasta kveðju á Svíana fyrir leik kvöldsins. Þeir birtu mynd á samfélagsmiðlum sínum þar sem þeir birta mynd úr leik Íslands og Svíþjóð.

„Gangi ykkur vel gegn Sviss í kvöld. Hér er mynd af ykkar liði þegar við mættumst í fyrsta skipti 1951. Þetta er nostalgía,” skrifaði knattspyrnusambandið undir myndina sem má sjá hér að neðan.

Good luck @swemnt against Switzerland today! Here's a photo of your team in the first game we played against each other back in 1951. A bit nostalgic that one#worldcup

A post shared by Knattspyrnusamband Íslands (@footballiceland) on Jul 3, 2018 at 2:39am PDT