Svona fagnaði Southgate með stuðningsmönnum Englands í leikslok

Gareth Southgate, þjálfari enska landsliðsins, hefur unnið hug og hjörtu margra stuðningsmanna enska landsliðsins á HM.

Margir efuðust um Southgate er hann tók við liðinu af Sam Allardyce sem var rekinn en hann hefur heldur betur þaggað niður í þeim efasemdarröddum.

Southgate hefur unnið stöðugt að því að fá stuðningsmennina með sér í lið en einnig hefur hann náð betra sambandi við fjölmiðla en hefur verið undanfarin ár hjá enska landsliðinu.

England tryggði sér sæti í undanúrslitum með sigri á Svíþjóð í gær en Southgate var vel og lengi úti á vellinum og fagnaði með stuðningsmönnum Englands.

Myndbandið má sjá hér að neðan en það er ljóst að enskir stuðningsmenn eru vel sáttir með Southgate nú þegar liðið er komið svona langt á HM í fyrsta skipti í lengri, lengri tíma.

Southgate you're the one #England #Semifinals #Samara pic.twitter.com/dbMNze38AI

— Rachel Burden (@rachelburden) July 7, 2018