Útihlaup Southgate endaði með því að hann fór úr axlarlið

Það var ekki leikmaður sem var fyrstur til að meiðast í enska landsliðshópnum á EM því Gareth Southgate, þjálfari landsliðsins, meiddist í dag.

Southgate var úti að hlaupa nærri bækistöðvum enska liðsins í Rússlandi, Repino, en það gekk ekki betur en að hann datt og fór úr axlarlið.

England vann 2-1 sigur á Túnis í fyrsta leik riðilsins en sigurmarkið skoraði Harry Kane í uppbótartíma. Kane skoraði einnig fyrra mark Englands en leikið var á mánudag.

Næsti leikur Englands er gegn Panama á sunnudaginn en athyglivert verður að sjá hvort Southgate verði með fatla á hliðarlínunni.