Í beinni: Ólafía hefur leik á Volvik mótinu

Ólafía Þórunn Kristinsdóttir hefur leik á sínu ellefta LPGA móti á þessu tímabili í dag þegar hún mætir til leiks á Volvik mótinu sem fram fer í Ann Arbor í Michigan fylki.

Ólafía Þórunn á rástíma klukkan 9:05 að staðartíma sem er 13:05 að íslenskum tíma. Hún ræsir af fyrsta teig með Svíanum Dani Holmqvist og Candie Kung frá Tævan.

Íþróttamaður ársins 2017 komst ekki í gegnum niðurskurðinn á síðasta móti sem fram fór í Virginíu um síðustu helgi. Það var þó mjög tæpt á mununum og þurfti Ólafía að bíða lengi eftir fréttum um það hvort hún kæmist í gegn vegna mikilla veðurtafa.

Besti árangur Ólafíu til þessa á tímabilinu kom strax á fyrsta móti mótaraðarinnar á Bahamaeyjum þar sem hún lenti í 26. sæti.

Vísir fylgist vel með gangi mála hjá Ólafíu og má sjá beina textalýsingu af fyrsta hringnum hér að neðan.