Oddvitaáskorunin: Tilfinnanlegur skortur á „Leeds-urum“ í Mosfellsbæ

Vísir stendur fyrir Oddvitaáskoruninni 2018 þar sem skorað er á oddvita allra flokka í kjördæmum um land allt að taka þátt. Áskorunin felur í sér stutta kynningu og að svara nokkrum léttum spurningum. 



Sveinbjörn Ottesen leiðir lista Framsóknarflokksins í Mosfellsbæ í sveitarstjórnarkosningunum.

Sveinbjörn Ottesen er 58 ára fæddur í Reykjavík. Hann er giftur Olgu Björk Bragadóttur og eiga þau fjórar dætur og þrjár afa-stelpur. Sveinbjörn starfar sem deildarstjóri hjá Hagkaupum. Eftir nám í Hótel og Veitingaskólanum starfaði hann sem Veitingastjóri og verkstjóri í matvælaiðnaði.

Sveinbjörn er samvinnu- og félagshyggjumaður mikil er setur manngildi ofar auðgildi. Hann hefur í áratug starfað fyrir Framsóknarflokkinn sem og að hafa setið í stjórn kjördæmisráðs og í miðstjórn flokksins. Áhugamál Sveinbjörns eru helst ferðalög og stangveiði. Hann fylgist líka með flestum íþróttum og þá líka hestaíþróttum.

Á honum brennur mest að hafin verði bygging alvöru fjölnota íþróttahallar sem og að leggja sitt á vogarskálarnar til að gera Mosfellsbæ að fjölskylduvænu og grænu sveitarfélagi. Þá er það bara eitt til ráða og það er að setja X við B.

Hver er fallegasti staðurinn á Íslandi?

Þingvellir.

Hvar á Íslandi myndir þú helst vilja búa? (Fyrir utan eigið sveitarfélag)

Höfn í Hornafirði. Þar er fallegt... og stutt í humar.

Hver er uppáhaldsmaturinn þinn?

Humar í hvítlauks-sméri.

Hvaða mat ert þú bestu/ur að elda?

Svínakótelettur í raspi.

Uppáhalds „guilty pleasure“ lag?

„More than a feeling“ með Boston.

Hvað er það vandræðalegasta sem komið hefur fyrir þig, sem segja má frá?

Þegar ég var að vinna sem þjónn og missti fat með rjómaís yfir 5 manna fjölskyldu.

Draumaferðalagið?

Cộng hòa xã hội chủ nghĩa Việt Nam.

Trúir þú á líf eftir dauðann?

Nei.

Besti hrekkurinn sem þú hefur gert eða lent í?

Hringdi í systur mina undir yfirskyni skoðanakannanar ...til að komast að því hvað hún kysi. Upp komst og hún varð alveg brjáluð og var við mig lengi.

Hundar eða kettir?

Eitt af hvoru hið minnsta.

Uppáhalds „guilty pleasure“ bíómynd?

Crying Game.

Hvaða leikari ætti að leika þig í bíómynd?

Bruce Willis.

Í hvaða Game of Thrones ætt værir þú og af hverju?

Game of...what? „In Daryl we trust“ (Walking Dead).

Hefur þú verið tekin/n af lögreglunni?

Já, Biggi lögga hefur ítrekað...tekið í höndina á mér.

Uppáhalds tónlistarmaður?

Megas.

Uppáhalds bókin?

Góði dátinn Sveik.

Uppáhalds föstudagsdrykkur?

Tvöfaldur Bacardi Gold í kók og bara ...EINN.. klaka.

Uppáhalds þynnkumatur?

Beikon og 3 egg.

Þegar þú ferð í fríið, sólarströnd eða menning?

Menning .... og kaldur á kantinum.

Hefur þú pissað í sundlaug?

Kemst ekki svo langt. Þegar ég heyri í rennandi vatni þarf ég alltaf að pissa.

Hvaða lag kemur þér í gírinn?

Wild Horses með Rolling Stones.

Er eitthvað smávægilegt sem farið hefur í taugarnar á þér í þínu sveitarfélagi sem þú vilt laga?

Í Mosfllsbæ er tilfinnanlegur skortur.... á Leeds-urum.

Á að banna flugelda?

Einn góðan veðurdag... en ekki alveg strax.

Hvaða landsliðsmaður í knattspyrnu værir þú og af hverju?

Emil Hallfreðsson enda báðir sterk staðföst sjarmatröll með frábæra hárgreiðslu.

Oddvitaáskorunin er hluti af kosningaumfjöllun Vísis. Öllum oddvitum á landinu býðst að taka þátt. Áhugasamir oddvitar geta verið í sambandi við samuel@stod2.is.