Gylfi byrjaður að sparka í bolta | Myndband

Þau frábæru tíðindi bárust af Gylfa Þór Sigurðssyni í dag að hann væri farinn að sparka í bolta á nýjan leik.

Gylfi meiddist á hné í leik Everton þann 12. mars síðastliðinn. Hann þurfti að fara í litla aðgerð vegna meiðslanna en hefur verið á fínum batavegi.

Í dag sparkaði hann svo í bolta í fyrsta skipti og sýndi myndir af því á Instagram. Það myndband má sjá hér að neðan.

Ísland spilar fyrsta leik sinn á HM eftir mánuð og ef batinn verður áfram svona góður ætti Gylfi að vera klár í slaginn.