Sjáðu þegar Hugrún festi skóinn í kjólnum en bjargaði sér á ótrúlegan hátt

Dansparið Hugrún Halldórsdóttir og Daði Freyr Guðjónsson voru send heim úr þættinum Allir geta dansað í gærkvöldi. 

Parið dansaði cha-cha-cha við lagið American Boy og hlutu 22 stig frá dómnefnd og voru jöfn Hönnu Rún og Bergþóri að stigum, en þau Jóhanna Guðrún og Max Petrov voru stigahæst með 30 stig frá dómnefnd fyrir tangó við lagið The Greatest Show úr myndinni The Greatest Showman.

Fjögur pör fóru áfram í úrslitaþáttinn sem verður sýndur á Stöð 2 næsta sunnudag, en það eru þau Ebba og Javi, Bergþór og Hanna Rún, Arnar Grant og Lilja og stigahæsta parið Jóhanna Guðrún og Max sem munu keppa um glimmerbikarinn.

Hér að neðan má sjá dansinn frá Hugrúnu og Daða en Hugrún festi skóna í kjólnum í miðju atriði og náði að bjarga sér á ótrúlegan hátt.