Íslenska liðið fellur niður um fjögur sæti á listanum eftir tapleiki á móti Mexíkó og Perú í Bandaríkjaferðinn í mars.
Ísland var búið að vera meðal tuttugu efstu þjóða heims þrjá mánuði í röð og hefur aldrei verið lengur í einu inn á topp tuttugu.
Þetta er hæsta fall landsliðsins á FIFA-listanum síðan rétt eftir EM 2016 eða síðan að liðið fór úr 23. sæti niður í 27. sæti milli ágúst og september listans árið 2016.
Þjóðirnar sem komast upp fyrir Ísland á þessum nýja lista eru Túnis (14. sæti), Úrúgvæ (17. sæti), Holland (19. sæti) og Wales (21. sæti). Túnisbúar hækka um heil níu sæti.
Ellefu HM-þjóðir eru neðar en Ísland á nýja listanum. Það eru Svíþjóð (23. sæti), Kosta Ríka (25. sæti), Senegal (28. sæti), Serbía (35. sæti), Íran (36. stæi), Ástralía (40. sæti), Marakkó (42. sæti), Egyptaland (46. sæti), Nígería (47. sæti), Panama (55. sæti), Japan (60. sæti), Suður-Kórea (61. sæti), Rússland (66. sæti) og Sádí Arabía (70. sæti).
NEW #FIFARANKING
Germany stay
Belgium up to 3rd
Switzerland & France climb
Learn more https://t.co/OBwH8eUxQvpic.twitter.com/sRZ3nYbOLV
— FIFA.com (@FIFAcom) April 12, 2018
Ísland á síðustu FIFA-listum:
- 2018 -
Apríl: 22. sæti (Niður um 4 sæti)
Mars: 18. sæti (=)
Febrúar: 18. sæti (+2)
Janúar: 20. sæti (+2)
- 2017 -
Desember: 22. sæti (=)
Nóvember: 22. sæti (-1)
Október: 21. sæti (+1)
September: 22. sæti (-2)
Ágúst: 20. sæti (-1)
Júlí: 19. sæti (+3)
Júní: 22. sæti (-1)
Maí: 21. sæti (=)
Apríl: 21. sæti (+2)
Mars: 23. sæti (-3)
Febrúar: 20. sæti (+1)
Janúar: 21. sæti (=)
- 2016 -
Desember: 21. sæti (=)
Nóvember: 21. sæti (=)
Október: 21. sæti (+6)
September: 27. sæti (-4)
Ágúst: 23. sæti (-1)
Júlí: 22. sæti (+12)
Júní: 34. sæti (+1)
