Fótbolti

Þetta er síðasti séns til að fá miða á leik strákanna gegn Messi í Moskvu

Tómas Þór Þórðarson skrifar
Vísir/Getty
Síðasti miðasöluglugginn á HM 2018 í fótbolta var að opna nú klukkan 09.00 að íslenskum tíma en þetta er síðasti séns til að fá miða á leik á mótinu í gegnum almenna miðasöluglugga.

Fyrirkomulagið að þessu sinni er einfalt: Fyrstur kemur, fyrstur fær. Það er því um að gera að smella hér og fara á miðasöluvef FIFA ef áhugi er fyrir hendi.

Frá því var greint í gær að í boði eru miðar á alla leiki HM í þessum glugga, þar af leiðandi á leik Íslands og Argentínu en uppselt átti að vera á þann leik.

Vonin er því enn til staðar fyrir Íslendinga að fá miða á leikinn gegn Messi og félögum í Moskvu en íslenska liðið mætir einnig Króatíu og Nígeríu í Rússlandi.

HM 2018 í Rússlandi

Mest lesið


Fleiri fréttir

Sjá meira


×

Mest lesið