Öll 30 félögin í NBA nú meira en hundrað milljarða virði

Það er gott að eiga NBA-lið í dag. Ný úttekt frá Forbes segir að öll 30 félögin í deildinni séu nú virði eins milljarðs dollara eða meira.

NBA-deildin hefur öðlast meiri vinsældir utan Bandaríkjanna á síðustu árum, ekki síst í Kína og þá hefur deildin gert mjög hagstæða sjónvarpssamninga.

According to Forbes, for the first time in history all 30 NBA teams are worth at least $1bn (£719m).

Full story  https://t.co/Sj11i5JGJ2pic.twitter.com/y70QyoyhrW

— BBC Sport (@BBCSport) February 8, 2018

Meðalfélagið í NBA er nú virði 1,65 milljarða dollara eða 168 milljarða íslenskra króna. Þetta er 22 prósent hækkun á aðeins tólf mánuðum.

New York Knicks er verðmætasta félagið metið á 3,6 milljarða dollara en næstu félög eru Los Angeles Lakers (3,3 millharðar dollara) og Golden State Warriors (3,1). Chicago Bulls (2,6) er nú komið niður í fjórða sætið.

New York Knicks hefur náð inn meiri tekjum eftir að félagið tók Madison Square Garden í gegn. Félagið er nú sjötta verðmætasta íþróttafélag heims á eftir fótboltafélögunum Real Madrid, Barcelona og Manchester United, hafnarboltaliðinu New York Yankees og NFL-liðinu Dallas Cowboys.

JUST IN: @Forbes new NBA valuations

1. Knicks, $3.6 Billion

2. Lakers, $3.3 Billion

3. Warriors, $3.1 Billion

4. Bulls, $2.6 Billion

5. Celtics, $2.5 Billion

6. Nets, $2.3 Billion

7. Rockets, $2.2 Billion

8. Clippers, $2.15 Billion

— Darren Rovell (@darrenrovell) February 7, 2018

Cleveland Cavaliers er í 15. sæti listans metið á 1,3 milljarða dollara en félagið tapaði pening á síðasta ári og munar þar mestu um mikinn launakostnað leikmanna.

Philadelphia 76ers hefur hækkað virði sitt mest á milli ára eða um 48 prósent að mati Forbes. Með liðinu spila nú nokkrir af mest spennandi ungu leikmönnum deildarinnar og framtíð félagsins ætti að vera björt.

Neðst á listanum er hinsvegar New Orleans Pelicans sem er metið á nákvæmlega einn milljarð dollara eða 102 milljarða íslenskra króna.