Helena og Taylor kjörin best

Fyrri hluti tímabilanna í Domino's-deildum karla og kvenna var gerður upp í Domino's Körfuboltakvöldi á Stöð 2 Sport á föstudaginn.

Helena Sverrisdóttir, leikmaður Hauka, og Bandaríkjamaðurinn Ryan Taylor hjá ÍR voru valin bestu leikmenn fyrri hluta tímabilsins.

Haukar eru í öðru sæti Domino's-deildar kvenna en Helena er með 19,4 stig, 15,1 frákast og 7,7 stoðsendingar að meðaltali í leik á tímabilinu til þessa.

Ryan Taylor hefur verið í lykilhlutverki hjá ÍR sem er ásamt Haukum og KR-ingum óvænt á toppi deildarinnar karlamegin. Taylor er með 23,5 stig og 10,5 fráköst að meðaltali í leik.

Borce Ilievski, ÍR, og Hildur Sigurðardóttir, Breiðabliki, voru valin bestu þjálfarar deildanna. ÍR fékk stuðningsmannaverðlauninn og Sigmundur Már Herbertsson var valinn besti dómarinn.

Bestu ungu leikmennirnir voru Ísabella Sigurðardóttir, Breiðabliki og Kári Jónsson, Haukum. Bestu varnarmennirnir voru Urald King, Val, og Ragna Margrét Brynjarsdóttir, Stjörnunni.

Viðtöl við flesta verðlaunahafa má sjá í myndböndunum hér fyrir neðan.

Þá voru úrvalslið karla og kvenna einnig valin og má sjá þau hér:

Úrvalslið karla:

Matthías Orri Sigurðarson - ÍR

Kári Jónsson - Haukar

Sigtryggur Arnar Björnsson - Tindastóll

Ryan Taylor - ÍR

Hlynur Bæringsson - Stjarnan

Úrvalslið kvenna:

Hallveig Jónsdóttir - Haukar

Thelma Dís Ágústsdóttir - Keflavík

Danielle Rodriguez - Stjarnan

Helena Sverrisdóttir- Haukar

Berglind Gunnarsdóttir - Snæfell

Bestu stuðningsmennirnir

Körfuboltakvöld: Bestu þjálfararnir

Körfuboltakvöld: Besti dómarinn

Körfuboltakvöld: Bestu varnarmennirnir

Körfuboltakvöld: Bestu ungu leikmennirnir

Körfuboltakvöld: Úrvalslið karla

Körfuboltakvöld: Úrvalslið kvenna

Körfuboltakvöld: Bestu leikmennirnir