Blint í hryðjum

Vegagerðin varar við því að dimm él verða á fjallvegum og þá sérstaklega á Vestfjörðum og á leiðinni norður á land. Vindur fer vaxandi og verður mjög blint í hryðjum á Holtavörðuheiði síðdegis og snemma í kvöld. Þetta kemur fram í tilkynningu frá Vegagerðinni.



Greiðfært er mjög víða á Suðvesturlandi en hálka eða hálkublettir á Suðurlandi. Á Vesturlandi er víða greiðfært á láglendi og hálka á fjallvegum. Snjóþekja og éljagangur er á Holtavörðuheiði. Á Vestfjörðum er hálka, hálkublettir eða snjóþekja og er eitthvað um éljagang. Hrafnseyrarheiði og Dynjandisheiði.

Hálka, hálkublettir og snjóþekja og éljagangur er á vegum á Norðurlandi vestra. Á Norðausturlandi er hálka eða hálkublettir og hálka og skafrenningur er á Öxnadalsheiði.

Á Austurlandi er hálka eða hálkublettir og hálka og skafrenningur á Möðrudalsöræfum. Með suðurströndinni er hálka eða hálkublettir en greiðfært inn á milli.