Fagurkerar fjölmenntu í opnun Geysir Heima

Það var glatt á hjalla í miðbænum síðastliðið föstudagskvöld þegar verslunin Geysir Heima opnaði á Skólavörðustíg 12. 

Um er að ræða nýjan útgangspunkt hjá Geysi sem hingað til hefur haft fatnað og tískuvöru á boðstólnum en með Geysi Heima bætist nú heimilis- og gjafavara eftir bæði íslenska og erlenda hönnuði, við úrvalið.

Í tilefni af opnuninni var slegið upp í partí þar sem margt var um manninn. Rýmið er hannað af Hálfdáni Pedersen eins og aðrir Geysisverslanir. Í kjallara verslunaninnar er einnig starfrækt lítið listagallerí, sem ber hið einfalda nafn; Kjallarinn og var myndalistakonan Auður Ómarsdóttir fyrst til að sýna þar.

Við opnun verslunaninnar opnaði Auður því einnig sýninguna sína Hliðstæður, að fjölda gesta viðstöddum og var því um tvöfalda opnunargleði að ræða.

Sjá nánar: Auður Ómarsdóttir sýnir í glænýju rými í Geysi

Hér má skoða myndir úr opnuninni eftir Sunday & White.

Hægt er að skoða fleiri myndir úr opnuninni með því að fletta myndasafninu hér fyrir neðan.