„Níðingar vernda níðinga“

„Níðingar vernda níðinga,“ sagði bandaríski leikarinn Terry Crews á Twitter í gærkvöldi. Þar var leikarinn að vísa í fréttir af Dylan Howard hjá útgáfufyrirtækinu American Media Inc. sem er útgáfufyrirtæki Radar Online og National Enquirer.

Dylan Howard þessi er ritstjóri hjá útgáfunni en fyrrverandi starfsmenn hjá fyrirtækinu hafa sakað hann um kynferðislega áreitni.

Crews segir Howard hafa hótað því að birta upplogna frétt þess efnis að Crews hefði keypt sér þjónustu vændiskonu, daginn eftir að Crews hafði sagt frá því hvernig umboðsmaðurinn Adam Venit braut gegn honum kynferðislega.

Associated Press segir frá því að Howard hafi tjáð sig nokkuð frjálslega um bólfélaga sína á ritstjórnargólfi American Media Inc., rætt kynlíf kvenkyns starfsmanna og neytt konur til að horfa og hlusta á klámfengið efni.

The same guy who runs @radar_online and @NatEnquirer who threatened me with the false prostitute story 1 day after my @GMA interview now accused of SEXUAL MISCONDUCT.

ABUSERS PROTECT ABUSERS. https://t.co/7RMw26sz9w

— terrycrews (@terrycrews) December 5, 2017