Vivaldi kynnir gluggaspjald til sögunnar

Skaparar vafrans Vivaldi hafa nú gefið út nýja útgáfu af honum með tilliti til ábendinga notenda. Vivaldi er að hluta til íslenskt fyrirtæki og er í eigu frumkvöðulsins Jón von Tetzchner. Hann er sniðinn að fólki sem er mikið á netinu og geta notendur stillt vafrann verulega til að sníða vafrann að eigin notkun.

„Vivaldi vafrinn bætir nú við enn einum innbyggðum eiginleikanum, sem auðveldar fólki að stjórna flipum. Notendur geta nú valið hvar þeir staðsetja flipana; þeir geta stjórnað þeim í gegnum lyklaborðið; flokkað þá saman o.fl. Nýja gluggaspjaldið lyftir flipastjórnun upp á hærra plan”, segir Jón von Tetzchener, forstjóri Vivaldi Technologies, í tilkynningu.

Stefnt er að því að bæta enn fleiri eiginleikum við gluggaspjaldið í náinni framtíð. Yfirlit yfir nýju uppfærsluna má sjá hér.

„Gluggaspjaldið kemur sérstaklega að góðum notum hjá þeim sem þurfa að vinna með marga flipa samtímis. Til viðbótar þá sýnir listinn alla flipa án þess að minnka þá. Það auðveldar yfirsýn og leit að einstökum flipum, “ segir Espen Sand, sem hefur yfirumsjón með þróun gluggaspjaldsins.

Sjá einnig: „Einbeitum okkur að því að gera hlutina öðruvísi“



Einnig er búið að bæta nokkrum endurbætum við Vivaldi sem notendur hafa óskað sérstaklega eftir. Þeir þrír eiginlega sem voru efstir á blaði notenda í umræðum á spjallsíðum vafrans voru:

-Viðvörun þegar slökkt er á vafranum áður en niðurhali er lokið.

-Möguleiki á að setja niðurhal á pásu og halda áfram með það síðar

-Hraði niðurhals sýndur á stöðustiku niðurhals.

„Við leggjum mikið á okkur til þess að geta boðið upp á vafra sem ekki er háður viðbótum (plug-ins). Við stefnum að því að þróa og endurbæta innbyggða virkni vafrans og tryggja þannig örugga, hraða og fullkomna vafraupplifun!” segir Jón.